Cyfeirnod y Ddogfen

PS-JES-0094 Goruchwyliwr Gwneud Iawn â’r Gymuned f2.0

Math o Ddogfen

Rheoli

Fersiwn

3.0

Dosbarthiad

Swyddogol - Sensitif

Dyddiad Cyhoeddi

3.12.21

Statws

Gwaelodlin

Cynhyrchwyd gan

Y Tîm Cymorth a Sicrwydd Gwerthuso Swyddi

Awdurdodwyd gan

Y Tîm Gwobrwyo

Tystiolaeth ar gyfer y DS

Teitl y Swydd

Goruchwyliwr Gwneud Iawn â’r Gymuned

Cyfarwyddiaeth

Gwasanaeth Prawf

Band

Band 3

Trosolwg o'r swydd

Mae’r swydd hon yn un weithredol, sy’n goruchwylio’n uniongyrchol grwpiau gwaith o droseddwyr sy’n bwrw dedfryd gymunedol. Gallai hyn gynnwys gyrru cerbydau gwasanaeth i gludo pobl neu gyfarpar. Bydd deiliad y swydd yn gyfrifol am yr holl dasgau goruchwylio ar y safle gwaith, a bydd yn gweithio gyda defnyddwyr y gwasanaeth i sicrhau bod yr holl dasgau’n cael eu cyflawni hyd eithaf eu gallu. Bydd hyn yn cynnwys gweithio ochr yn ochr â phobl i ddangos arferion da yn ôl yr angen.

Crynodeb

Bydd deiliad y swydd yn gweithio ar amrywiol brosiectau sy’n cynnwys tasgau ymarferol y dylent gael eu hystyried gan y cyhoedd yn gosb gredadwy sy’n gwneud iawn â’r gymuned. Bydd deiliad y swydd yn defnyddio’r awdurdod priodol i gynnal disgyblaeth ac ymddygiad da mewn grwpiau gwaith, gan dynnu sylw’r staff perthnasol at unrhyw ddiffyg disgyblaeth neu ymddygiad gwael.

Bydd deiliad y swydd yn cyfrannu at botensial y ddedfryd i adsefydlu, a bydd yn helpu rhai o ddefnyddwyr y gwasanaeth i ddysgu sgiliau cyflogaeth drwy brofiad gwaith cadarnhaol, gyda’r cyfle i gael hyfforddiant galwedigaethol neu hyfforddiant sgiliau.

Disgwylir i’r staff gyfrannu at y gwaith o adolygu a gwerthuso pob agwedd ar y broses o ddarparu gwasanaeth, a chyfrannu at ddiwylliant o welliant parhaus.

Mae’n bosibl y bydd angen i ddeiliad y swydd weithio ar benwythnosau fel rhan o’r patrwm gwaith arferol. Gallai’r gwaith gynnwys gweithio ochr yn ochr â gwirfoddolwyr neu staff o sefydliadau partner.

Cyfrifoldebau, Gweithgareddau a Dyletswyddau

Disgwylir i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol:

• Cynnal sesiynau Cynefino ar gyfer Gwaith Di-dâl Cyn y Lleoliad.

• Cynnal sgwrs ar elfen benodol o iechyd a diogelwch ar ddechrau’r diwrnod i sicrhau bod holl ddefnyddwyr y gwasanaeth yn deall y dasg dan sylw a’r arferion gweithio diogel, ac i ysgogi a helpu defnyddwyr y gwasanaeth i gyflawni eu Gorchymyn.

• Dilyn y cyfarwyddiadau gwaith yn ffeil lleoliad y prosiect.

• Sicrhau bod gweithdrefnau Iechyd a Diogelwch yn cael eu dilyn, gan dynnu sylw’r staff perthnasol at unrhyw risg a sicrhau bod unrhyw waith papur cysylltiedig yn cael ei lenwi’n gywir ac yn brydlon yn ôl yr angen, gan gynnwys cyfrannu at y gwaith o adolygu asesiadau risg lleoliad.

• Sicrhau bod offer, cyfarpar a chyflenwadau priodol ar gael yn unol â gweithdrefnau lleol, a bod defnyddwyr y gwasanaeth yn dilyn y cyfarwyddiadau i’w defnyddio’n ddiogel.

• Cynnal asesiad risg deinamig i sicrhau bod pob perygl yn cael ei nodi a’i reoli.

• Defnyddio technegau rhag-gymdeithasol a thechnegau ysgogi eraill i sicrhau bod defnyddwyr y gwasanaeth yn cyflawni’r gwaith sydd wedi cael ei neilltuo, a hynny drwy ymddwyn yn briodol ac yn ddisgybledig.

• Monitro presenoldeb defnyddwyr y gwasanaeth sydd wedi cael eu neilltuo i leoliadau asiantaeth, a’u hannog i gwblhau’r gwaith yn llwyddiannus.

• Cynnal cofnodion holl ddefnyddwyr y gwasanaeth yn unol â gofynion y sefydliad, gan sicrhau bod yr holl wybodaeth yn cael ei diweddaru ar y system rheoli achosion yn brydlon ac yn gywir.

• Gweithio tuag at achrediad fel asesydd gweithle neu gynnal asesiadau hyfforddiant ar gyfer defnyddwyr dethol y gwasanaeth o fewn y grŵp gwaith sydd o dan oruchwyliaeth er mwyn cynnig rhagor o gyfleoedd i ddysgu.

• Cyfrannu at y gwaith o hyrwyddo Gwneud Iawn â’r Gymuned ymysg cydweithwyr, asiantaethau allanol, Dedfrydwyr a’r cyhoedd.

Yn unol â pholisïau a gweithdrefnau’r Gwasanaeth Prawf, rhaid i ddeiliad y swydd bob amser ddangos ymrwymiad i gydraddoldeb a chynhwysiant, a dealltwriaeth o’u perthnasedd i’r gwaith mae’n ei wneud. Rhaid i ddeiliad y swydd gadw at yr holl bolisïau ynghylch natur sensitif/cyfrinachol yr wybodaeth mae’n delio â hi yn y swydd hon.

Mae’r dyletswyddau/cyfrifoldebau uchod yn disgrifio’r swydd fel y mae ar hyn o bryd, ac ni fwriedir i’r rhestr hon fod yn gwbl gyflawn. Disgwylir i ddeiliad y swydd dderbyn addasiadau rhesymol a thasgau ychwanegol ar lefel debyg a allai fod yn angenrheidiol. Mae'n bosibl y bydd addasiadau sylweddol yn golygu y bydd angen ailedrych ar y swydd o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf.

Ymddygiadau

• Rheoli Gwasanaeth o Safon

• Cydweithio

• Cyfathrebu a Dylanwadu

• Arweinyddiaeth

Cryfderau

Sylwch: rydym yn argymell eich bod yn dewis 4 i 8 cryfder yn lleol - dewiswch o’r rhestr o ddiffiniadau cryfderau’r Gwasanaeth Sifil ar y fewnrwyd

Profiad

• Profiad o Sgiliau Ymarferol

• Trwydded Yrru y DU Heb fod yn Awtomatig - Categori D1 Bws Mini

• Tystiolaeth o ymrwymiad i waith tîm

• Sgiliau rhyng-bersonol effeithiol, gyda’r gallu i oruchwylio pobl yn adeiladol gan gadw awdurdod ar yr un pryd

• Tystiolaeth o ddatrys problemau mewn gweithle neu amgylchedd tebyg

• Gwybodaeth am ddiogelwch yn y gwaith, diogelu’r cyhoedd a risg o niwed ym mhob agwedd ar y gwaith

Gofynion technegol

• Gwybodaeth sylfaenol am Gymorth Cyntaf, ac yn fodlon gwneud hyfforddiant pellach

• Cael IOSH L3 neu gymhwyster cyfatebol, ac yn fodlon cael hyfforddiant pellach

• Yn fodlon mynd ati i gael a chynnal Tystysgrif L3 mewn Asesu Cyrhaeddiad Galwedigaethol (CAVA) neu gymhwyster cyfatebol

Gallu

• Gallu modelu ymddygiad ac agweddau rhag-gymdeithasol i ddefnyddwyr y gwasanaeth

• Sgiliau cyfathrebu da yn ysgrifenedig

Cymhwysedd Sylfaenol

• Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd.

• Bydd rhaid i bob ymgeisydd allanol gyflawni cyfnod prawf o 6 mis.  Bydd rhaid i ymgeiswyr mewnol gyflawni cyfnod prawf os nad ydynt eisoes wedi cyflawni cyfnod prawf yn HMPPS.

• Mae’n rhaid i'r holl staff ddatgan a ydynt yn aelod o grŵp neu fudiad y mae HMPPS yn ystyried eu bod yn hiliol.

Lwfansau Oriau Gwaith (Oriau Anghymdeithasol)

I’w adael yn wag

I’w ddefnyddio gan y Tîm Gwerthuso Swyddi yn unig

Ymddygiadau

Cryfderau

D.S. Canllaw yn unig yw’r isod. Argymhellir bod y cryfderau’n cael eu dewis yn lleol - argymhellir 4-8

Gallu

Profiad

Technegol

Rheoli Gwasanaeth o Safon

Gallu Gweithio fel Aelod o Dîm

Gallu modelu ymddygiad ac agweddau rhag-gymdeithasol i ddefnyddwyr y gwasanaeth

Tystiolaeth o ymrwymiad i waith tîm

Gwybodaeth sylfaenol am Gymorth Cyntaf, ac yn fodlon gwneud hyfforddiant pellach

Cydweithio

Emosiynol Ddeallus

Sgiliau cyfathrebu da yn ysgrifenedig

Sgiliau rhyng-bersonol effeithiol, gyda’r gallu i oruchwylio pobl yn adeiladol gan gadw awdurdod ar yr un pryd

Cael IOSH L3 neu gymhwyster cyfatebol, ac yn fodlon cael hyfforddiant pellach

Cyfathrebu a Dylanwadu

Galluogwr

Tystiolaeth o ddatrys problemau mewn gweithle neu amgylchedd tebyg

Trwydded Yrru

Arweinyddiaeth

Canolbwyntio

Gwybodaeth am ddiogelwch yn y gwaith, diogelu’r cyhoedd a risg o niwed ym mhob agwedd ar y gwaith

Yn fodlon mynd ati i gael a chynnal Tystysgrif L3 mewn Asesu Cyrhaeddiad Galwedigaethol (CAVA) neu gymhwyster cyfatebol

Hyblyg

Trwydded Yrru y DU Heb fod yn Awtomatig - Categori D1 Bws Mini

Profiad o Sgiliau Ymarferol