Swydd Ddisgrifiad (SDd)

Band 7

Proffil Grŵp - Uwch Gaplan (UG)

Swydd Ddisgrifiad - UG: Caplan sy’n Rheoli

Cynhyrchwyd gan Y Tîm Gwerthuso Sicrwydd a Chymorth Swydd

Awdurdodwyd gan Y Tîm Gwobrwyo

Tystiolaeth ar gyfer y SDd

Swydd Ddisgrifiad

Teitl y Swydd	UG: Caplan sy’n Rheoli
Proffil Grŵp	Caplan sy’n Rheoli
Lefel yn y Sefydliad	Rheolaeth Swyddogaethol
Band	7

Trosolwg o’r swydd	Swydd reoli yw hon sy’n darparu arweinyddiaeth ac yn hwyluso/galluogi gofal crefyddol a bugeiliol i garcharorion a staff o fewn sefydliad.
Crynodeb	Swydd anweithredol gyda chyfrifoldebau rheolwr llinell ar gyfer arwain a rheoli tîm caplaniaid aml-ffydd a chred yw hon. Er yn rôl rheoli yn hytrach na ffydd neu gred penodol, rhaid i ddeiliad y swydd gael eu cymeradwyo gan y Cynghorydd Ffydd a Chred HMPPS priodol. Bydd deiliad y swydd yn darparu ar gyfer gofal crefyddol a bugeiliol carcharorion a staff yn eu ffydd neu gred eu hunain a gofal bugeiliol priodol i bawb, ni waeth beth yw eu ffydd neu gred. Bydd deiliad y swydd yn gweithio gyda chydweithwyr i sicrhau y cyflawnir PSI 05/2016 Ffydd a Gofal Bugeiliol i Garcharorion, neu ei ddogfen fframwaith polisi olynol a hefyd gwaith caplaniaeth ehangach o ran darparu cyrsiau ffydd a chyrsiau nad ydynt yn seiliedig ar ffydd. Bydd deiliad y swydd yn cyfrannu at y broses y mae’r Llywodraethwr a Phennaeth y Gaplaniaeth/Proffesiwn yn y pencadlys wedi eu sicrhau bod y polisïau hyn yn cael eu cyflawni. Yn gyfrifol am arwain ar ddatblygu perthnasoedd gydag amrywiol grwpiau cefnogaeth a gwirfoddolwyr, a ble bo’n briodol, gweithredu fel Swyddog Cyswllt Ymwelwyr Swyddogol i’r Carchar. Cymryd cyfrifoldeb dros eich iechyd ysbrydol a’ch datblygiad eich hun, a neilltuo amser ar gyfer gweddïo/myfyrio, astudio ac encilio yn breifat.
Cyfrifoldebau, Gweithgareddau a Dyletswyddau	Bydd rhaid i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol: Rheolaeth Tîm a Phersonol Yn gyfrifol am arwain a rheoli tîm caplaniaeth aml-ffydd a chred, gan sicrhau bod caplaniaid ar gael ac yn hygyrch i garcharorion, gweinyddiaeth effeithiol caplaniaeth, gan gynnwys rhestrau carcharorion ar gyfer digwyddiadau, diweddaru cofnodion ac ati a hybu polisi HMPPS ym mhob gweithgaredd ac ymddygiad; e.e. agendau amrywiaeth, cwrteisi, diogelwch a lleihau ail-droseddu. Bod yn gyfrifol am sicrhau bod cwynion gan garcharorion (yn cynnwys hawliadau cyfreitha) sy’n berthnasol i’r tîm Caplaniaeth wedi derbyn sylw yn unol â’r polisi. Cynnal ymchwiliadau a gwaith gweinyddol mewn perthynas â digwyddiadau o wahaniaethu posibl ac adrodd ar y canfyddiadau. Sicrhau bod caplaniaid a gwirfoddolwyr yn cael hyfforddiant angenrheidiol, cyfleoedd datblygu, mentora a chefnogaeth bersonol gan gynnwys yn dilyn digwyddiadau yn ogystal ag i wirfoddolwyr a’u meithrin yn eu cyfraniad. Bod yn atebol am berfformiad y tîm Caplaniaeth a’r staff sy’n rhan ohono. Rheoli’r gwaith o gyflawni safonau ansoddol a meintiol, o fewn y
	swyddogaeth gan ddilysu ac awdurdodi dogfennau fel sy’n briodol. Dadansoddi a gweithredu ar ddata sy’n berthnasol i Gaplaniaeth. Mynychu cyfarfodydd/byrddau perthnasol a chyfrannu’n weithredol naill ai fel cadeirydd neu aelod o dîm, cynhyrchu adroddiadau perthnasol fel bo’r angen a sicrhau bod holl ohebiaeth yn cael ymateb o fewn amserlenni y cytunwyd arnynt. Gofal Bugeiliol ac Addoli/Myfyrio Darparu gofal bugeiliol a cheisio sicrhau lles ysbrydol carcharorion a holl staff, gan gynnwys caffael a dosbarthu llenyddiaeth, cyflenwadau a deunyddiau ffydd/cred priodol. Gyda chyfrifoldeb trefnu ac arwain addoliad/myfyrio ar gyfer cymuned ffydd/cred eich hun, cynllunio, trefnu ymweliadau ysbyty, priodasau, angladdau, gwasanaethau coffa, ble bo’n briodol. Cynorthwyo gyda throseddwyr sy’n cael eu rhyddhau i’r gymuned, y sawl sy’n cyflawni dedfrydau cymunedol neu fentrau cymunedol eraill a ariannwyd gan HMPPS drwy gytundeb. Darparu cyngor ffydd/cred arbenigol o fewn sefydliad a bod yn gyfrifol am ei gefnogi i sicrhau bod grwpiau ffydd/cred yn arsylwi eu dyddiau a digwyddiadau sanctaidd crefyddol a chynllunio ac arwain gweithdai a chyfarfodydd gweddi/ffydd penodol. Yn gyfrifol am sicrhau a darparu rhaglenni ymwybyddiaeth i garcharorion, gan gynnwys rhaglenni galar a rhaglenni carcharorion am oes, fel bo’n briodol, a hyfforddiant ymwybyddiaeth ffydd/cred i staff. Perthnasoedd a Rheolaeth Rhanddeiliaid Gweithio’n agos gyda Dalfa Ddiogelach i sicrhau bod gweithdrefnau marwolaeth yn y ddalfa, Asesiadau Gofal yn y Carchar a Gwaith Tîm (ACCT) a Lleihau Trais yn cael eu cyflawni yn unol â safonau HMPPS. Sicrhau a chyfrannu at gefnogi carcharorion i ddelio gyda galar drwy gysylltu gyda theuluoedd/carcharorion a thrydydd partïon eraill e.e. ysbytai, swyddfa’r Crwner. Yn gyfrifol am sicrhau cyfraniad y tîm Caplaniaeth mewn materion ailsefydlu fel bo’n briodol ac ymgysylltu a datblygu cysylltiadau gyda chymuned ffydd/cred eich hun tuag at ailsefydlu carcharorion a’r strategaeth gyswllt gydag asiantaethau seiliedig ar ffydd/cred allanol i helpu gydag ailsefydlu carcharorion. Rheoli Adnoddau a Chyllid Cyfrannu at y ffordd mae’r sefydliad yn cyflawni safonau yn gyffredinol a bod yn atebol am berfformiad a chyflawni targedau sy’n ymwneud â’r gyllideb a’r Cynllun Pobl. Yn gyfrifol am arwain datblygiad polisi, gweithdrefnau ac ymarfer lleol a gweithredu polisi cenedlaethol gwasanaethau caplaniaeth. Sicrhau bod ymarfer Caplaniaeth presennol yn unol â pholisi (lleol a chenedlaethol). Cyfrannu at ddatblygu a chyflawni’r cynllun strategol a’r cynllun busnes tymor canolig/hir ar gyfer y sefydliad, gyda chyfrifoldeb cyffredinol am weithredu o fewn eu swyddogaeth. Sicrhau bod yr holl asesiadau risg yn cael eu cynnal a bod staff yn ymwybodol o’u cyfrifoldeb personol tuag at gydymffurfio o ran iechyd a diogelwch. Bod yn gyfrifol am sicrhau bod camau gweithredu perthnasol sy’n deillio o’r Archwiliad Safonol, Cynlluniau Gweithredu Arolygiaeth Carchardai Ei Fawrhydi (HMIP), adroddiadau Ansawdd, Sicrwydd a Datblygiad (QuAD), arolygon Rheoli Ansawdd Bywyd Carcharor (MQPL), gan gynnwys cynlluniau gweithredu hunan archwilio lleol a strategaethau Ailsefydlu yn cael eu cyflawni. Mae’r dyletswyddau/cyfrifoldebau a restrir uchod yn disgrifio’r swydd fel y mae ar hyn o bryd, ac nid yw’n rhestr gyflawn. Disgwylir i ddeiliad y swydd dderbyn addasiadau rhesymol a thasgau ychwanegol sydd ar lefel debyg a allai fod yn angenrheidiol. Os bydd addasiadau sylweddol mae’n bosib y bydd angen ystyried y

	swydd unwaith eto dan y cynllun Gwerthuso Swydd, a thrafodir hynny â deiliad y swydd yn y lle cyntaf. Gallu cyflawni pob agwedd lafar o’r rôl yn hyderus drwy gyfrwng y Saesneg neu (pan bennir yng Nghymru) Cymraeg.
Ymddygiadau	Cyfathrebu a Dylanwadu Rheoli Gwasanaeth o Safon Gwneud Penderfyniadau Effeithiol Arweinyddiaeth Cydweithio
Cryfderau	Argymhellir dewis cryfderau yn lleol, awgrymir 4-8
Profiad hanfodol	Rhaid cwblhau hyfforddiant penodol i ddal y cymwysterau gofynnol ar gyfer y maes arbenigedd a amlinellir yn y swydd ddisgrifiad perthnasol. Gofynion Cymhwysedd Ffydd/Cred (Ionawr 2022) Gweler rhestr lawn ar y Proffil Grŵp Esgob, Offeiriad, Diacon Ordeiniedig Anglicanaidd, Brawd/Chwaer Crefyddol, Efengylwr Byddin yr Eglwys , Darllenydd (fel y nodir yn Canon E4 Canonau yr Eglwys yn Lloegr neu gyfatebol uniongyrchol mewn maes Anglicanaidd arall) Bahai Bwdhaeth Caplan Cristnogol - Offeiriad Ordeiniedig neu’r Eglwys Rydd gyfatebol Diacon Ordeiniedig Cristnogol, Brawd/Chwaer Crefyddol, Person Lleyg Seientiad Cristnogol Eglwys Iesu Grist Saint y Dyddiau Diwethaf Diacon heb ei Ordeinio yr Eglwys Rydd neu Berson Lleyg Ordeiniedig yr Eglwys Rydd Hindŵaeth Dyneiddiwr Jain Tyst Jehofa Iddewiaeth Mwslimaidd Uniongred Pagan Crynwr Rastaffari Offeiriad Ordeiniedig Catholig Diacon Brawd Chwaer Person Lleyg Offeiriad Ordeiniedig Catholig Siciaeth Ysbrydegydd Soroastriaidd Profiad a sgiliau profedig mewn gofal bugeiliol ac arweinyddiaeth fugeiliol, gan gynnwys digwyddiadau argyfwng.
Gofynion Technegol	Rhaid cwblhau hyfforddiant penodol i ddal y cymwysterau gofynnol ar gyfer y maes arbenigedd a amlinellir yn y swydd ddisgrifiad perthnasol. Rhaid bod â chymhwyster addas a chymhwyster cydnabyddedig ffurfiol mewn diwinyddiaeth neu astudiaethau crefyddol a phrofiad fel bod y deiliad swydd wedi cael cymeradwyaeth ffurfiol (ble bo’n briodol) gan y gymuned ffydd/cred maent yn perthyn iddi.
Gallu

Cymwysterau Gofynnol

Bydd gwiriadau adnabod a diogelwch yn cael eu cynnal ar bob ymgeisydd cyn iddynt gychwyn swydd. Bydd rhaid i bob ymgeisydd allanol gwblhau cyfnod prawf o chwe mis. Bydd rhaid i ymgeiswyr mewnol gwblhau cyfnod prawf os nad ydynt eisoes wedi cwblhau cyfnod prawf o fewn HMPPS. Bydd rhaid i'r holl staff ddatgan a ydynt yn aelod o grŵp neu sefydliad sy’n cael ei ystyried yn hiliol gan HMPPS.

Oriau Gwaith (Oriau Anghymdeithasol) a Lwfansau

37 awr yr wythnos. Bydd y Rheolwr Recriwtio yn cadarnhau Lwfans Oriau Gofynnol a byddant ond yn cael eu talu pan fydd hynny’n berthnasol. Lwfans Oriau Gofynnol: fel rhan o’r rôl hon bydd gofyn i chi weithio oriau anghymdeithasol yn rheolaidd ac fe delir tâl ar y raddfa a gymeradwyir gan y sefydliad ar hyn o bryd yn ychwanegol at eich tâl sylfaenol i gydnabod hyn. Oriau anghymdeithasol yw’r oriau hynny sydd y tu allan i 0700 - 1900 o’r gloch dydd Llun i ddydd Gwener ac mae'n cynnwys gweithio gyda’r nos, drwy’r nos, ar benwythnosau a gwyliau Banc / Cyhoeddus.