Cyfeirnod y Ddogfen:	OR-JES-010-JD-B2 : SSO : Swyddog Cymorth Gweithredol Cyffredinol v.8.0
Math o Ddogfen	Rheoli
Fersiwn	8.0
Dosbarthiad	Swyddogol
Dyddiad Cyhoeddi	02 Chwefror 2022
Statws	Llinell sylfaen
Cynhyrchwyd gan	Y Tîm Cymorth a Sicrwydd Gwerthuso Swyddi
Awdurdodwyd gan	Y Tîm Dyfarnu
Tystiolaeth ar gyfer y DS

Disgrifiad o’r Swydd

Teitl Swydd	SSO : Swyddog Cymorth Gweithredol (OSG) - Cyffredinol
Proffil y Grŵp	Gweithrediadau Gwasanaethau Cymorth
Lefel yn y Sefydliad	Cefnogaeth
Band	2

Trosolwg o'r swydd	Mae hon yn swydd gweithrediadau gwasanaethau cymorth mewn sefydliad.
Crynodeb	Bydd deiliad y swydd yn cyflawni amrywiaeth o weithgareddau ar draws meysydd allweddol y sefydliad gan gynnwys gweithdrefnau gatiau, archwilio a monitro ymwelwyr, sensora post a ffonau a dyletswyddau derbynfa. Byddant hefyd yn cael eu defnyddio’n hyblyg i gyflawni amrywiaeth o weithgareddau cymorth eraill mewn meysydd gweithredol yn y sefydliad yn ôl yr angen. Mae hon yn swydd cymorth gweithredol heb unrhyw gyfrifoldebau rheolaeth linell.
Cyfrifoldebau, Gweithgareddau a Dyletswyddau	Disgwylir i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol: Dyletswyddau wrth y Gât/Porth: sicrhau bod staff, ymwelwyr a cherbydau yn dod i mewn ac yn gadael yn ddiogel; chwilio staff, carcharorion, ymwelwyr, contractwyr a cherbydau. Dosbarthu a chasglu allweddi a setiau radio staff. Hebrwng Contractwyr: bod yn gyfrifol am adnabod a hebrwng cerbydau a chontractwyr o fewn y sefydliad. Ystafell Rheoli Argyfwng/Ystafell Reoli: gweithredu system radio’r sefydliad a monitro Teledu Cylch Cyfyng (CCTV) gan sicrhau bod yr holl weithgareddau amheus yn cael eu hadrodd a sicrhau bod gweithredoedd personol yn cydymffurfio â’r Ddeddf Rheoleiddio Pwerau Ymchwilio (RIPA). Efallai y bydd angen hyfforddi staff mewn gweithdrefnau radio. Ymweliadau: trefnu ymweliadau; nodi a phrosesu ymwelwyr wrth iddynt gyrraedd, eu hebrwng os oes angen; sicrhau bod yr holl ymwelwyr domestig a swyddogol yn cael eu harchwilio’n briodol a bod eu manylion yn cael eu casglu. Sensora/Gohebiaeth: monitro/cofnodi post a rhoi gwybod am unrhyw eitemau anghyfreithlon neu waharddedig (contraband), gan gynnal a diogelu tystiolaeth Monitro galwadau ffôn a wneir gan garcharorion. Dyletswyddau Nos: sicrhau bod drysau celloedd yn cael eu cloi/diogelu a bod pob carcharor yn ddiogel a bod cyfrif amdanynt Y Dderbynfa: helpu i gefnogi tasgau priodol yn y dderbynfa gan sicrhau bod unrhyw ymholiadau gan garcharorion ac eiddo’n cael eu prosesu’n briodol; Tynnu ffotograffau o garcharorion; Coladu’r holl ddogfennau perthnasol ar gyfer y broses Derbyn/Eiddo; Chwilio/defnyddio pelydr-x ar eiddo carcharorion sy’n cyrraedd a pharseli sy’n cyrraedd y Dderbynfa; Derbyn eitemau ar gyfer carcharorion a gwneud yn siŵr bod yr holl seliau’n gyflawn wrth storio eiddo. Goruchwylio carcharorion: goruchwylio carcharorion yn ôl yr angen; cyfnewid dillad/eiddo carcharorion a chynorthwyo swyddogion gyda symudiadau llif rhydd, a derbyn carcharorion pan fo angen. Danfon bwyd: danfon a chasglu bwyd gyda throli, a allai gynnwys defnyddio cerbyd dosbarthu trydan Gyrru: cludo carcharorion a’u hebrwng i’w cyrchfan yn y cerbyd cellog pan fo’n berthnasol; casglu post o’r swyddfa ddidoli leol Monitro’r system Ffôn Rhifau Adnabod Personol (PIN), cadw cofnod o geisiadau Ffôn PIN gan garcharorion; cwblhau’r holl waith papur perthnasol gan gadw trywydd archwilio o sgyrsiau.

Cwblhau Adroddiadau Digwyddiad Diogelwch (SIR) ar gyfer gwybodaeth a gafwyd drwy fonitro galwadau ffôn neu eitemau anghyfreithlon/contraband a ganfuwyd. Gwirio bod unrhyw rifau cyfreithiol yn gyfreithwyr cofrestredig. Cyflawni gwasanaethau cymorth eraill gan gynnwys: Deall, gweithredu a chydymffurfio â pholisïau lleol a chenedlaethol. Ymateb yn briodol i weithredu trefniadau argyfwng yn unol â’r Strategaeth Ddiogelwch Leol a’r Fframwaith Diogelwch Cenedlaethol, gan ddefnyddio gwybodaeth am gynlluniau wrth gefn lleol a chymryd y camau gofynnol ar gyfer digwyddiadau. Bydd angen cyfeirio unrhyw gamau gweithredu neu benderfyniadau cychwynnol at reolwr er mwyn gweithredu ymhellach. Cyflawni dyletswyddau gweinyddol sy’n berthnasol i’r maes gwaith yn ôl y gofyn. Mae’r rhestr ddyletswyddau/cyfrifoldebau uchod yn disgrifio’r swydd fel y mae ar hyn o bryd, ac ni fwriedir iddi fod yn rhestr gynhwysfawr. Disgwylir i ddeiliad y swydd dderbyn addasiadau rhesymol a thasgau ychwanegol ar lefel debyg a allai fod yn angenrheidiol. Mae'n bosib y bydd addasiadau sylweddol yn golygu y bydd angen ailedrych ar y swydd o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf. Gallu cyflawni holl agweddau llafar y swydd yn hyderus drwy gyfrwng y Saesneg neu (pan nodir hynny yng Nghymru) yn Gymraeg.

Ymddygiadau	Cyfathrebu a Dylanwadu Cydweithio Rheoli Gwasanaeth o Safon Cyflawni'n Gyflym
Cryfderau	Argymhellir bod y cryfderau’n cael eu dewis yn lleol, argymhellir 4-8.
Profiad Hanfodol	Defnyddio TG
Gofynion Technegol	Bydd rhaid dilyn cwrs cynefino pythefnos o hyd ar gyfer OSG. Bydd rhaid cael trwydded yrru ddilys os yw gyrru cerbyd yn un o’r gofynion lleol. Mae gyrru yn un o ddyletswyddau priodol Swyddog Cymorth Gweithredol fel y diffiniwyd yn PSI42/1997, Swyddog Cymorth Gweithredol: Atodlen 3
Gallu	Sgiliau rhifiadol

Y Gofynion Lleiaf er mwyn bod yn Gymwys

Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd. Bydd rhaid i bob ymgeisydd allanol gyflawni cyfnod prawf o 6 mis. Bydd yn rhaid i ymgeiswyr mewnol gyflawni cyfnod prawf os nad ydynt eisoes wedi cyflawni cyfnod prawf o fewn y Gwasanaeth Carchardai a Phrawf. Mae’n rhaid i'r holl staff ddatgan a ydynt yn aelod o grŵp neu fudiad sy’n cael ei ystyried yn hiliol gan Wasanaeth Prawf a Charchardai EF.

Lwfansau Oriau Gwaith (Oriau Anghymdeithasol)

Wythnos waith 37 awr (safonol). Staff Gwasanaeth Carchardai a Phrawf EM sydd â strwythurau tâl caeedig yn unig: Oriau wedi’u Pennu Ychwanegol sy’n Bensiynadwy (ACHP) Bydd staff sy’n symud o strwythur tâl caeedig 39 awr yn gymwys i gyflawni dwy awr ychwanegol sy’n bensiynadwy ac yn cael eu gwarchod (ACHP). Byddant yn gweithio wythnos 39 awr sy’n cynnwys yr wythnos safonol o 37 awr ynghyd â dwy awr ychwanegol (ACHP) sy’n cael eu talu ar y gyfradd amser cyffredin sy’n bensiynadwy. Gweithio Orau Anghymdeithasol Fel rhan o’r swydd hon bydd rhaid gweithio oriau anghymdeithasol yn rheolaidd, a byddwch yn cael taliad o 17% yn ychwanegol at eich tâl sylfaenol i gydnabod hynny. Mae oriau anghymdeithasol yn golygu oriau nad ydynt rhwng 07.00 a 19.00 o’r gloch o ddydd Llun i ddydd Gwener, ac yn cynnwys gweithio gyda’r nos, dros nos, ar benwythnosau ac yn ystod gwyliau Banc/Cyhoeddus.

Proffil Llwyddiant