Cyfeirnod y Ddogfen	HMPPS OR T 41 GP : Mentor v10.0
Math o Ddogfen	Rheoli
Fersiwn	10.0
Dosbarthiad	Swyddogol
Dyddiad Cyhoeddi	17 Hydref 2024
Statws	Gwaelodlin
Cynhyrchwyd gan	Y Tîm Cymorth a Sicrwydd Gwerthuso Swyddi
Awdurdodwyd gan	Y Tîm Gwobrwyo
Tystiolaeth ar gyfer y Disgrifiad Swydd

Proffil y Grŵp

Enw Proffil y Grŵp	Mentor
Lefel yn y Sefydliad	Cyflenwi
Band	3
Trosolwg	Mae hon yn swydd anweithredol mewn sefydliad. Bydd deiliad y swydd yn gyfrifol am ddarparu goruchwyliaeth, gwybodaeth a sgiliau i garcharorion mewn gweithdai nad ydynt yn rhai arbenigol, lle nad oes cymwysterau’n cael eu darparu ac nad yw deiliad y swydd yn cael ei ddefnyddio i hyfforddi carcharorion hyd at y lefel ofynnol i ennill cymwysterau. Nid yw’r disgrifiad swydd hwn wedi’i gynllunio i’w ddefnyddio gan ddeiliaid swyddi mewn gweithdai arbenigol, gan na fydd gofyn i ddeiliad y swydd fod yn gymwys mewn maes arbenigol na hyfforddi carcharorion hyd at y lefel ofynnol i ennill cymwysterau. Yn yr amgylchiadau hyn, dylid defnyddio Hyfforddwr Cynhyrchu Arbenigol. Er mai swydd anweithredol mewn sefydliad heb unrhyw gyfrifoldebau rheoli llinell yw hon, bydd gan ddeiliad y swydd gyfrifoldebau dros reoli’r gweithdy a charcharorion. Mae hon yn swydd sy’n cylchdroi.
Nodweddion	Dyma rai o’r tasgau nodweddiadol sy’n gysylltiedig â’r Proffil Grŵp hwn: Cymryd rhan yn y broses o ddewis carcharorion ar gyfer y gweithdy. Cynefino'r carcharorion yn y gweithdy/ardal waith, a’u hyfforddi mewn agweddau fel iechyd a diogelwch, Rheoli Sylweddau sy’n Beryglus i Iechyd (COSHH), a defnyddio peiriannau ac offer. Sicrhau bod yr holl offer, cyfarpar a deunyddiau crai yn ddiogel a bod cyfri priodol amdanynt. Rhoi cymorth i'r carcharorion fel y bo'r angen; teilwra’r gofynion dysgu a hyfforddi i anghenion yr unigolion. Trefnu amserlenni a rheoli targedau/safonau ansawdd, gan sicrhau bod trefniadau cytundebol yn cael eu darparu. Goruchwylio a rheoli carcharorion yn weddus a diogel wrth gyflawni pob gweithgaredd, gan fod yn gyfrifol am eu perfformiad, eu cymhelliant, eu disgyblaeth, eu harfarniadau a’u datblygiad. Cynnal sgan canfod metel neu chwiliad ‘rhwbio i lawr’ ar garcharorion sy’n mynychu ac yn gadael eu gweithdai eu hunain. Cychwyn adolygiadau datblygu cynnyrch er mwyn cynnal lefelau allbwn y gweithdy/ardal waith, a chynnig amrywiaeth o waith a phrofiadau i'r carcharorion. Cyfrannu at y gwaith o gynnal asesiadau risg ac iechyd a diogelwch ar nwyddau traul, ac ar asesiadau risg Iechyd a Diogelwch sy’n gysylltiedig â’r gweithdy/lle gwaith a mannau arbenigol. Cyfrannu’n weithredol at adroddiadau carcharorion, gwaith cynllunio dedfrydau a pharôl, Asesiadau, Gofal yn y Ddalfa a Gwaith Tîm (ACCT) ac Adroddiadau Gwybodaeth Diogelwch (SIRs) drwy ddarparu gwybodaeth i reolwyr achos.

	Agor a llenwi ffurflenni ACCT (Asesu, Gofal yn y Ddalfa a Gwaith Tîm), VRIR (Adroddiadau Digwyddiadau Lleihau Trais) ac Adroddiadau SIR (Gwybodaeth am Ddiogelwch) fel y bo’r angen, a chyfrannu at adroddiadau IEP (Cymhellion a Breintiau a Enillir). Cyfrannu at adroddiadau carcharorion gan gynnwys cynllunio dedfrydau a pharôl, cwblhau gwybodaeth fonitro’r gyfundrefn a diweddaru cofnodion hyfforddi carcharorion. Cyfathrebu’n gyson gan ddefnyddio rhwydwaith radio yn unol â’r Strategaeth Ddiogelwch Leol (LSS) Gofyn am ddeunyddiau ac amcangyfrif defnydd er mwyn cyrraedd targedau dysgu'r gwaith a darparu sicrwydd ansawdd mewn perthynas â manylebau cynnyrch. Cofnodi presenoldeb a chymeradwyo’r oriau a weithiwyd gan garcharorion a chyflogau, gan gynnwys cofnodi darnau gwaith lle bo hynny’n briodol Mynychu a chyfrannu at gyfarfodydd perthnasol fel bo'r angen. Darparu cefnogaeth weinyddol ar gyfer gweithgareddau gweithdy. Paratoi dogfennau perthnasol i reolwyr at ddibenion gwirio/sicrhau ansawdd. Cynnal a diweddaru systemau yn unol â chytundebau lleol.
Disgrifiadau Swydd sy’n berthnasol i’r Proffil Grŵp hwn	Ar ôl cael y swydd, bydd deiliad y swydd yn cael ei baru â disgrifiad swydd. Mae rhestr enghreifftiol wedi’i hatodi isod. Mae hon yn swydd sy’n cylchdroi (cyfeiriwch at y disgrifiad swydd unigol), felly gallai deiliad y swydd gyflawni rôl o sawl disgrifiad yn ystod ei yrfa. Mentor: Hyfforddwr
Cymhwysedd Sylfaenol	Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd. Mae cyfnod prawf o 6 mis yn berthnasol i bob ymgeisydd allanol. Bydd rhaid i ymgeiswyr mewnol gyflawni cyfnod prawf os nad ydynt eisoes wedi cyflawni cyfnod prawf yn HMPPS. Mae’n ofynnol i'r holl staff ddatgan a ydynt yn aelod o grŵp neu sefydliad y mae Gwasanaeth Carchardai a Phrawf EF yn ei ystyried yn hiliol.
Sgiliau Hanfodol/Cymwysterau/ Achrediad/Cofrestru	Dim

Oriau Gwaith a Lwfansau

Wythnos waith 37 awr (safonol). Gweithio Orau Anghymdeithasol Bydd y Rheolwr Recriwtio yn cadarnhau’r trefniadau Gweithio Oriau Anghymdeithasol, a dim ond pan fydd hynny’n berthnasol y bydd tâl am hynny: Fel rhan o’r swydd hon bydd rhaid gweithio oriau anghymdeithasol yn rheolaidd, a bydd taliad ar gyfradd gymeradwy gyfredol y sefydliad yn cael ei ychwanegu at eich cyflog sylfaenol i gydnabod hyn. Mae oriau anghymdeithasol yn golygu oriau sydd ddim rhwng 07.00 a 19.00 o’r gloch o ddydd Llun i ddydd Gwener, ac yn cynnwys gweithio gyda’r nos, dros nos, ar benwythnosau ac yn ystod gwyliau Banc/Cyhoeddus.