Disgrifiad Swydd

Band 4

Proffil Grŵp - Hyfforddwr Cynhyrchu Arbenigol (SPI)

Disgrifiad Swydd - Hyfforddwr Cynhyrchu Arbenigol: Garddwriaeth Fasnachol:

Cynhyrchwyd gan Y Tîm Cymorth a Sicrwydd Gwerthuso Swyddi

Awdurdodwyd gan Y Tîm Dyfarnu

Tystiolaeth ar gyfer y Disgrifiad Swydd

Disgrifiad Swydd

Teitl Swydd	SPI : Garddwriaeth Fasnachol:
Proffil y Grŵp	Hyfforddwr Cynhyrchu Arbenigol
Lefel yn y Sefydliad	Cyflenwi
Band	4

Trosolwg o'r swydd	Mae hon yn swydd hyfforddi anweithredol mewn sefydliad.
Crynodeb	Bydd deiliad y swydd yn gyfrifol am waith cynnal a chadw, cynhaeafu a thyfu yng ngerddi'r sefydliad o ddydd i dydd, gan sicrhau bod cnydau gwarchodedig yn cael eu tyfu a’u cynaeafu i'r safonau uchaf. Bydd hefyd yn asesu cymwysterau galwedigaethol achrededig i garcharorion. Mae hon yn swydd anweithredol heb unrhyw gyfrifoldebau rheolaeth linell.
Cyfrifoldebau, Gweithgareddau a Dyletswyddau	Disgwylir i ddeiliad y swydd gyflawni’r cyfrifoldebau, y gweithgareddau a’r dyletswyddau canlynol: Cynnal hwsmonaeth gywir ar y pridd ar raddfa caeau, gan sicrhau bod pob cam yn natblygiad cnydau yn cael eu dilyn yn unol ag arferion garddwriaeth da. Cynnal y cnwd/planhigyn sy’n tyfu er mwyn sicrhau’r datblygiad a/neu’r cnwd gorau, gan sicrhau bod anghenion y planhigion yn cael eu diwallu’n llwyr. Cynnal mesurau effeithiol i reoli pla biolegol ac unrhyw raglenni cemegol angenrheidiol i amddiffyn cnydau. Datrys unrhyw broblemau gwaith sydd gan garcharorion, gan osod tasgau i gyfateb i lefel eu gallu tra hefyd yn sicrhau bod diogelwch a chynhyrchiant yn cael ei gynnal drwy’r amser. Sicrhau bod y cynnyrch sy’n cael ei dyfu ar y safle yn cael ei baratoi a’i becynnu’n briodol gan ystyried labeli priodol, y graddiad a'r cyflwyniad yn gyffredinol. Cynnal a chadw’r caeau chwaraeon gan ddilyn y cynllun y cytunwyd arno gyda’r Rheolwr Ffermydd a Gerddi a’r Adran Addysg Gorfforol. Cynnal mesurau ataliol i reoli pla yn yr holl faes cyfrifoldeb. Cyflawni tasgau hyfforddi eraill, gan gynnwys: Mae’n bosibl y bydd angen cymryd rhan yn y broses o ddewis carcharorion ar gyfer y gweithdy/ardal waith. Cynefino'r carcharorion yn y gweithdy/lle gwaith, a’u hyfforddi mewn agweddau fel Iechyd a Diogelwch, COSHH (Rheoli Sylweddau sy’n Beryglus i Iechyd), a defnyddio peiriannau ac offer. Rhoi cymorth i'r carcharorion fel y bo'r angen; teilwra’r gofynion dysgu a hyfforddi i anghenion yr unigolion. Trefnu amserlenni a rheoli targedau/safonau ansawdd, gan sicrhau bod trefniadau cytundebol yn cael eu darparu. Asesu a gwerthuso sgiliau carcharorion hyd at safonau cymwysterau cenedlaethol. Goruchwylio a chynnal disgyblaeth carcharorion yn y gweithdy/ardal waith, gyda chyfrifoldeb am berfformiad, cymhelliant, disgyblaeth, arfarnu a datblygu carcharorion. Cyfathrebu’n gyson gan ddefnyddio rhwydwaith radio yn unol â’r Strategaeth Ddiogelwch Leol (LSS) Agor a llenwi ffurflenni Gofal Asesu yn y Ddalfa a Gwaith Tîm (ACCT), Adroddiadau Digwyddiadau Lleihau Trais (VRIR) ac Adroddiadau Gwybodaeth Diogelwch (SIRs) pan fo angen a chyfrannu at adroddiadau ar Gymhellion a Breintiau a Enillir (IEP).
	Cynnal sgan canfod metel neu chwiliad drwy deimlo ar garcharorion sy’n mynychu ac yn gadael eu gweithdai eu hunain. Darparu sicrwydd ansawdd yn erbyn manylebau cynnyrch. Cofnodi presenoldeb a chymeradwyo’r oriau a weithiwyd gan garcharorion a chyflogau, gan gynnwys cofnodi darnau gwaith lle bo hynny’n briodol Cynnal gwiriadau o ddeunyddiau ac offer yn y gweithdai, a sicrhau bod yr ardaloedd yn ddiogel gan gofnodi unrhyw namau ar offer/cyfarpar. Cynnal rhaglen o waith cynnal a chadw wedi'i gynllunio ar beiriannau. Cyfrannu at adroddiadau ar garcharorion, gan gynnwys cynllunio dedfrydau a pharôl. Cwblhau gwybodaeth fonitro’r gyfundrefn a diweddaru cofnodion hyfforddiant carcharorion. Cyfrannu at asesiadau risg Iechyd a Diogelwch sy’n gysylltiedig â'r gweithdy/lle gwaith a rhannau arbenigol. Gofyn am ddeunyddiau ac amcangyfrif defnydd er mwyn cyrraedd targedau gwaith. Cychwyn adolygiadau datblygu cynnyrch er mwyn cynnal lefelau allbwn y gweithdy/ardal waith, a chynnig amrywiaeth o waith a phrofiadau i'r carcharorion. Cymryd rhan mewn hunanarchwiliadau ac yn y gwaith o gyflawni dangosyddion SDI (Dangosyddion Darparu Gwasanaeth). Gwneud gwaith gweinyddol i sicrhau bod y gweithdy’n rhedeg yn ddidrafferth. Mae’r dyletswyddau/cyfrifoldebau uchod yn disgrifio’r swydd fel y mae ar hyn o bryd, ac ni fwriedir i’r rhestr hon fod yn gwbl gyflawn. Disgwylir i ddeiliad y swydd dderbyn addasiadau rhesymol a thasgau ychwanegol ar lefel debyg a allai fod yn angenrheidiol. Mae'n bosibl y bydd addasiadau sylweddol yn golygu y bydd angen ailedrych ar y swydd o dan y Cynllun Gwerthuso Swyddi, a bydd hyn yn cael ei drafod â deiliad y swydd yn y lle cyntaf. Gallu cyflawni holl agweddau llafar y swydd yn hyderus drwy gyfrwng y Saesneg neu (pan nodir hynny yng Nghymru) yn Gymraeg.

Ymddygiadau	Gwneud Penderfyniadau Effeithiol Cyfathrebu a Dylanwadu Cydweithio Rheoli Gwasanaeth o Safon Datblygu ei Hun ac Eraill
Cryfderau	Argymhellir bod y cryfderau’n cael eu dewis yn lleol, argymhellir 4-8.
Profiad Hanfodol	Rhaid iddyn nhw fod â phrofiad mewn swydd oruchwyliol. Rhaid iddynt fod yn gyfarwydd â hwsmonaeth y pridd a chyfryngau tyfu, amddiffyn cnydau, technoleg cynhyrchu cnydau, opsiynau technoleg amddiffyn planhigion, paratoi cynnyrch ffres i'w gwerthu: graddio, labelu a chyflwyno. Dylai fod â phrofiad o ddefnyddio peiriannau ac offer safonol diwydiannol.
Technegol Gofynion	Rhaid i'r staff fod â chymhwyster Lefel 3 mewn garddwriaeth neu gymhwyster cyfatebol sy’n cael ei gydnabod gan y diwydiant garddwriaeth, neu gael eu hyfforddi i'r lefel briodol o fewn dwy flynedd. Byddai’n ofynnol iddyn nhw feddu ar gymwysterau plaleiddiaid PA2 a PA6. Rhaid iddynt fod â gwybodaeth gyfoes am yr holl reoliadau Iechyd a Diogelwch a COSHH (Rheoli Sylweddau Peryglus i Iechyd). Mae’n bosibl y bydd angen bod yn Aseswr achrededig. Rhaid meddu ar drwydded yrru yn y D.U. er mwyn gallu gyrru tractor a cherbydau eraill wrth gyflawni dyletswyddau’r swydd, yn ogystal â dyletswyddau hyfforddi carcharorion ar gerbydau fferm. Wrth drosglwyddo i sefydliad Pobl Ifanc, bydd gofyn i ddeiliad y swydd gael ei asesu’n llwyddiannus i ddangos ei fod yn addas i weithio gyda Phobl Ifanc.
Gallu	?	Sgiliau Technoleg Gwybodaeth
	?	Mathemateg Sylfaenol
	?	Saesneg Sylfaenol

Cymhwysedd Sylfaenol

Peidiwch â newid y blwch hwn Bydd archwiliadau adnabod a diogelwch yn cael eu cynnal ar gyfer pob ymgeisydd cyn cychwyn yn y swydd. Bydd rhaid i bob ymgeisydd allanol gyflawni cyfnod prawf o 6 mis. Bydd rhaid i ymgeiswyr mewnol gyflawni cyfnod prawf os nad ydynt eisoes wedi cyflawni cyfnod prawf yng Ngwasanaeth Carchardai a Phrawf EF. Mae’n rhaid i'r holl staff ddatgan a ydynt yn aelod o grŵp neu fudiad y mae Gwasanaeth Carchardai a Phrawf EF yn ystyried eu bod yn hiliol.

Oriau Gwaith (Oriau Anghymdeithasol) Lwfansau

Wythnos waith 37 awr (safonol). Bydd y Rheolwr Recriwtio yn cadarnhau’r trefniadau Gweithio Oriau Anghymdeithasol, a dim ond pan fydd hynny’n berthnasol y bydd tâl am hynny: Gweithio Orau Anghymdeithasol: Mae’r swydd yn golygu gweithio oriau anghymdeithasol yn rheolaidd fel rhan o ymrwymiad shifftiau arferol, a thelir 17% yn ychwanegol at eich cyflog sylfaenol i gydnabod hyn. Mae oriau anghymdeithasol yn golygu oriau sydd ddim rhwng 07.00 a 19.00 o’r gloch o ddydd Llun i ddydd Gwener, ac yn cynnwys gweithio gyda’r nos, dros nos, ar benwythnosau ac yn ystod gwyliau Banc/Cyhoeddus.

Proffil Llwyddiant

Ymddygiadau	Cryfderau Argymhellir bod y cryfderau’n cael eu dewis yn lleol - argymhellir 4-8	Gallu	Profiad	Technegol
Gwneud Penderfyniadau Effeithiol		Sgiliau Technoleg Gwybodaeth	Rhaid iddyn nhw fod â phrofiad mewn swydd oruchwyliol.	Rhaid i'r staff fod â chymhwyster Lefel 3 mewn garddwriaeth neu gymhwyster cyfatebol sy’n cael ei gydnabod gan y diwydiant garddwriaeth, neu gael eu hyfforddi i'r lefel briodol o fewn dwy flynedd.
Cyfathrebu a Dylanwadu		Mathemateg Sylfaenol	Rhaid iddyn nhw fod yn gyfarwydd â hwsmonaeth y pridd a chyfryngau tyfu, amddiffyn cnydau, technoleg cynhyrchu cnydau, opsiynau technoleg amddiffyn planhigion, paratoi cynnyrch ffres i'w gwerthu, gan gynnwys: graddio, labelu a chyflwyno.	Byddai’n ofynnol iddyn nhw feddu ar gymwysterau plaleiddiaid PA2 a PA6.
Cydweithio		Saesneg Sylfaenol	Dylai fod â phrofiad o ddefnyddio peiriannau ac offer safonol diwydiannol.	Rhaid iddynt fod â gwybodaeth gyfoes am yr holl reoliadau Iechyd a Diogelwch a COSHH (Rheoli Sylweddau Peryglus i Iechyd).
Rheoli Gwasanaeth o Safon				Mae’n bosibl y bydd angen bod yn Aseswr achrededig.
Datblygu ei Hun ac Eraill				Rhaid meddu ar drwydded yrru yn y D.U. er mwyn gallu gyrru tractor a cherbydau eraill wrth gyflawni dyletswyddau’r swydd, yn ogystal â dyletswyddau hyfforddi carcharorion ar gerbydau fferm.
				Wrth drosglwyddo i sefydliad Pobl Ifanc, bydd gofyn i ddeiliad y swydd gael ei asesu’n llwyddiannus i ddangos ei fod yn addas i weithio gyda Phobl Ifanc.

OR-JES-246-JD-B4 : SPI : Garddwriaeth Fasnachol v8.0